અક્કલના ઈસ્કોતરા ! ! !

અક્કલના ઈસ્કોતરા ! ! !

(કોઇ પણ જાતની ઇમરજન્સી વગર નીકળી પડતા મૂર્ખાઓ માટે)

આખ્ખી દુનિયા ઘરમાં બેઠી ને તું રખડે બ્હાર ? 

કોરોનાથી મરવા માટે થઈ જાજે તૈયાર.

પંદરનો તું માવો(મસાલો) ખા ને પંદરસોનું થૂંકે ! 

તારા જેવાં મળી જાય તો વાયરસ એને મૂકે ?

તરત જ ચાલુ કામ કરી દે એમાં શેની વાર ? 

આખ્ખી દુનિયા ઘરમાં બેઠી ને તું રખડે બ્હાર ?

તું ય મરીશ ને તારા આખ્ખા ઘરને પણ તું મારીશ

આજુ બાજુ આખ્ખી સોસાયટીની વાટ લગાડીશ

અકકલના ઇસ્કોતરા ! શું તું હજી ન સમજ્યો સાર ? 

આખ્ખી દુનિયા ઘરમાં બેઠી ને તું રખડે બ્હાર? 

કૃષ્ણ દવે.

તા-24-3-2020