હું શિક્ષક છું

હું શિક્ષક છું, ઉપયોગી છું, અને સમ અન્ન પકાવું છું;

ગજવામાં મૂકવા ઇચ્છનારને, દાહક થઇ ને દઝાડું છું !

છે કર્મયોગ સૂરજ સમાન, નિષ્ઠાથી બળતો જાઉં છું;

અંધારું દૂર હટાવીને, આ વિશ્વ સિકલ અજવાળું છું !

છે જ્ઞાનપિપાસા જીવનમાં, શીખવું છું, હું પણ શીખું છું;

પામું છું નિત્ય નવીનતાને, નવનીત સંકલન આપું છું !

છે સરસ્વતી માતા મારી, ના લાચારી સ્વીકારું છું;

ના ભગતનો ગુલામ બનું, હું ભાવ જીવનને માનું છું !

બાળક નો પાલક થઇ સાચો, સૃષ્ટિ ચાલકને માનું છું;

ઈશ્વર ની આંખ ઠરે એવો, હું માનવ ઘડવા ચાહું છું !

ના હું મજૂર, ના કારીગર, છું કલાકાર જીવન કેરા;

ગણપતિ ઉપાસના શિક્ષણને, જીવનને ઘડતો જાઉં છું !

-- સંકલિત